TamilSriLankaEnglish (UK)

තොරතුරු තාක්ෂණ ඒකකයේ තනතුරු පුරප්පාඩු

සමුපකාර සංවර්ධන දෙපාර්තමේන්තුවේ තොරතුරු තාක්ෂණ ඒකකයේ පහත සදහන් තනතුරුවල පුරප්පාඩු පවතී.

 

අ. අං. විස්තරය පුරප්පාඩු සංඛ්‍යාව
01

සහකාර අධ්‍යක්ෂ (තොරතුරු තාක්ෂණ)
ශ්‍රී ලංකා තොරතුරු හා සන්නිවේදන තාක්ෂණ සේවය II/III

 01
02 තොරතුරු හා සන්නිවේදන තාක්ෂණ නිලධාරි
ශ්‍රී ලංකා තොරතුරු හා සන්නිවේදන තාක්ෂණ සේවය 2 පන්තිය II/III
02 
03 තොරතුරු හා සන්නිවේදන තාක්ෂණ සහකාර
ශ්‍රී ලංකා තොරතුරු හා සන්නිවේදන තාක්ෂණ සේවය  3 පන්තිය II/III
05 

සමුපකාර පළාත් අමාත්‍ය සමුළුව 2017.09.27 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී

සමුපකාර පළාත් අමාත්‍ය සමුළුව 2017.09.27 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී කර්මාන්ත හා වාණිජ කටයුතු අමාත්‍ය ගරු. රිෂාඩ් බදියුදීන් මැතිතුමාගේ ප්‍රධානත්වයෙන් හා පළාත් සමුපකාර විෂයය භාර ගරු. අමාත්‍යවරුන්ගේ, සමුපකාර අමාත්‍යාංශ ලේකම්වරුන්ගේ, සමුපකාර සංවර්ධන කොමසාරිස්වරුන්ගේ සහ අනෙකුත් සමුපකාර ආයතන ප්‍රධානීන්ගේ සහභාගිත්වයෙන් පැවැත්වුනි.

මෙහිදී  කෙටුම්පත් කර තිබූ ජාතික සමුපකාර ප්‍රතිපත්තිය සාකච්ඡාවට භාජනය විය.

සමුපකාරය පොදු ජනතාවගේ ජාතික ව්‍යාපාරයක්, ජනාධිපති මෛත්‍රීපාල සිරිසේන

 

මිත්‍රශීලීභාවය, එකමුතු බව, සමානාත්මතාව, සහමූහිකත්වය සමාජවාදි දේශපාලන සිද්ධාන්ත වලට බොහෝ සමීපයෙන් සිටින ව්‍යාපාරයක් ලෙස සමුපකාර ව්‍යාපාරය ලෝකය පුරා උගතුන්ගේ සහ බුද්ධිමතුන්ගේ විවිධ ක්ෂේත්‍රවල ගෞරවයට සහ පිළිගැනීමට ලක් වූ පුළුල් මානව වාදී ව්‍යාපාරයක් යයි ජනපති මෛත්‍රීපාල සිරිසේන මහතා පැවසූවේ 95 වැනි ජාත්‍යන්තර සමූපකාර දින සැමරුම් උත්සවයේ ප්‍රධාන ආරාධිතයා ලෙස සහභාගි වෙමිනි.

රට තුළ සිදුවන සෑම ව්‍යසනයකදීම පොදුජනතාව වෙනුවෙන් නැගීසිටින්නේ සමුපකාර ව්‍යාපාරය බව ජනතාව අතර පිළිගැනීමක් හා විශ්වාසයක් පවතී. එනිසාම සමුපකාර ව්‍යාපාරය දියුණු කිරීම සඳහා අවශ්‍ය සෑම පියවරක්ම හිටපු සමුපකාර සේවකයකු ලෙස, ගන්නා බවද ජනාධිපති වරයා පැවසීය.

පුළුල් ශක්තිමත් සමුපකාර ව්‍යාපාරයක් ගොඩනගා ඒ තුළ රටේ පොදු ජනතාවට වඩාත් උසස් සේවාවක් ලබා දීමට රජය සෑම තින්දුවක් තීරණයක්ම ගන්නා බවද ප්‍රකාශ කළේය.

දෙපාර්තමේන්තුවේ ඉදිරි සැලැස්ම (Coop Sri Lanka Road Map 2020) ජනපති තුමාට පිළිගැන්වීම මෙහිදී සිදුවිය. ජාතික මට්ටමින් හා පළාත් මට්ටමින් තෝරා ගනු ලැබූ කෝප් කුමරා, කෝප් කුමරිය හා කෝප් ස්ටාර් ට ත්‍යාග ලබා දීමද සිදුවිය. වයඹ පළාත් සමුපකාර සේවක අරමුදල සඳහා රුපියල් මිලියන සියයක් පරිත්‍යාග කිරීම, සමුපකාර කාර්යය සාධන තරඟාවලියේ විශෂ්ඨතා දැක් වූ සමුපකාර වලට සම්මාන පිරිනැමීමද සිදුවිය. කර්මාන්ත හා වාණිජ කටයුතු අමාත්‍ය රිෂාඩ් බදියුදීන්, කර්මාන්ත හා වාණිජ කටයුතු අමාත්‍යාංශයේ ලේකම් චින්තක එස් ලොකුහෙට්ටි, සමුපකාර සංවර්ධන කොමසාරිස් (රේඛීය) එස්.එල්. නසීර්, වයඹ පළාත් සමුපකාර කොමසාරිස් එම්.ඒ.බී.සී. ආලෝක බණ්ඩාර, ජාතික සමුපකාර මණ්ඩලයේ සභාපති ලලිත් ඒ. පීරිස්, වයඹ පළාත් සමුපකාර විෂය බාර අමාත්‍ය ගුණදාස දෙහිගම යන මහත්වරු ද මේ අවස්ථාවේ දී අදහස් දැක්වූහ.

කර්මාන්ත හා වාණිජ කටයුතු රාජ්‍ය අමාත්‍ය චම්පිකා ප්‍රේමදාස මහතා ඇතුළු මැති ඇමතිවරු, රාජ්‍ය නිලධාරින් ඇතුළු විශාල පිරිසක් මේ අවස්ථාවට සහභාගි වූ අතර 15,000 කට ආසන්න දිවයිනේ විසිරී සිටින සමුපකාරිකයන් 95 වැනි ජාත්‍යන්තර සමුපකාර දිනය වර්ණවත් කළහ.

 

 

 

“COOP Sri Lanka Road Map 2020” ජනපතිට පිළිගැන්වේ

 

ශ්‍රී ලංකා සමුපකාර ව්‍යාපාරය නව මාවතකට යොමු කිරීමේ අරමුණින් කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතාගේ අදහස් පෙර දැරිව සකස් කරන ලද “Coop Sri Lanka Road Map 2020” ජූලි 01 වැනි දින ජනපති මෛත්‍රීපාල සිරිසේන මහතාට පිළගැන්වීය.

සමුපකාර ක්ෂේත්‍රයේ දියුණුවට නව මං පෙත් විවර කරමින් සමුපකර ක්ෂේත්‍රය තුල මෙතෙක් ක්‍රියාත්මක වී නොමැති විවිධ අංශයන් ඔස්සේ මේ නව සංවර්ධන වැඩපිළිවෙල ක්‍රියාවට නංවා ඇත. සමුපකාර ව්‍යාපාරයට අදාල නීතිමය රාමුව යාවත්කාලීන කර නව තොරතුරු තාක්ෂණ පද්ධතියක් හරහා සමුපකාර ව්‍යාපාරය ඒකාබද්ධ කිරීම මේ මාර්ග දැක්ම හරහා සිදු කිරීමට නියමිතය.

එසේම සමුපකාරිකයන්ගේ ජීවන තත්ත්වය නංවාලීම, විරැකියාව දුරු කිරීම හා දුගී භාවය තුරන් කිරීමේ අරමුණින් නව ව්‍යාපාරික අංශ කෙරේ මේ මාර්ග දැක්ම තුළින් අවධානය යොමු කර ඇත. සංචාරක නවාතැන් ගම්මාන, මගී ප්‍රවාහන බස් රථ හා සේවා සැපයුම් මධ්‍යස්ථාන, අතිරික්ත කෘෂි නිෂ්පාදන විවිධාංගීකරණය කර වෙළඳපොළට සැපයීම හා සමුපකාර තේ හල් ඇරඹීමට සැලසුම් කර සිටී. තවද ප්‍රජාව පිළිබඳ සැලකිලිමත් වීම සමුපකාර ප්‍රතිපත්තිය කෙරෙහි අවධානය යොමු කරමින්, පාරිසරික ආරක්ෂණ වැඩ පිළිවෙලක් ක්‍රියාත්මක කිරීම, කුණු කසළ කළමනාකරණය සඳහා ව්‍යාපෘතියක් සකස් කිරීම මෙන්ම සාමය හා සහජීවනය ඇති කිරීම සඳහා වූ යෝජනාවලියක් ඉදිරිපත් කිරීම ගම් තුළින් සිදු කිරීමට අපේක්ෂිතය.

Coop Sri Lanka Road Map 2020 මාර්ග දැක්ම පිළියෙල කරන ලද්දේ සමුපකාර ව්‍යාපාරයේ නියුතු සමුපකාර සභිකයන්, කාර්ය මණ්ඩලයේ නියුතු පිරිසක් සහ රාජ්‍ය අංශයේ නියෝජිතයන්ගෙන් සමන්විත කණ්ඩායමක් විසිනි.

මෙම 2020 මාර්ග දැක්ම පිළියෙල කිරීමේ කටයුතු සංවිධානය, මෙහෙය වීම සිදු කරනු ලබන්නේ සමුපකාර සංවර්ධන කොමසාරිස් සහ සමුපකාර සමිති රෙජිස්ට්‍රාර් එස්.එල්. නසීර් මහතා විසිනි.

 

 

 

සමුපකාර සමිති ගණුදෙනුකරුවන් වෙත කෙරෙන විශේෂ දැනුම්දීමයි

සමුපකාර සමිති ගණුදෙනුකරුවන් වෙත කෙරෙන විශේෂ දැනුම්දීමයි

 

කර්මාන්ත සහ වාණිජ කටයුතු අමාත්‍යාංශය

සමුපකාර සංවර්ධන දෙපාර්තමේන්තුව

 

සමුපකාර ග්‍රාමීය බැංකු සහ අනෙකුත් මුල්‍ය සේවා සමුපකාර සමිති නියාමනය කිරීමේ ජාතික කමිටුවේ විශේෂ දැනුම් දීමයි

 

ශ්‍රී ලංකා ප්‍රජාතාන්ත්‍රික සමාජවාදී ජනරජයේ 2013 ජුලි මස 18 දිනැති කැබිනට් මණ්ඩල තීරණය පරිදි, ශ්‍රී ලංකා මහ බැංකුවේ උපදෙස් සහ මඟ පෙන්වීම යටතේ මධ්‍යම රජයේ සමුපකාර සංවර්ධන කොමසාරිස් / රෙජිස්ට්‍රාර් සහ සියළුම පළාත් සමුපකාර සංවර්ධන කොමසාරිස් / රෙජිස්ට්‍රාර්වරුන්ගේ මෙයෙවීමෙන් 2013 වර්ෂයේ සිට සමුපකාර විෂයභාර මධ්‍යම රජයේ අමාත්‍යාංශය විසින් පිහිටුවා ඇති සමුපකාර ග්‍රාමීය බැංකු සහ අනෙකුත් මුල්‍ය සේවා සමුපකාර සමිති නියාමන ජාතික කමිටුව  ස්ථාපිත කර ඇත.

එසේ ස්ථාපිත කර ඇති ජාතික සමුපකාර බැංකු නියාමන ඒකකය හා පළාත්  සමුපකාර බැංකු නියාමන ඒකකයන් මඟින් 1972 අංක 05 දරණ සමුපකාර සමිති පනත හා එක් එක් පළාත් සභා විසින් සම්මත කර ඇති පළාත් සමුපකාර ප්‍රඥප්ති යටතේ ලියාපදිංචි වී මුල්‍ය කටයුතු වල නියැලෙන සමුපකාර සමිති නියාමනය කරනු ලැබේ.

ඒ අනුව ජාතික සමුපකාර බැංකු නියාමන කමිටුවේ තීරණයන් මත පළාත් සමුපකාර සංවර්ධන කොමසාරිස්වරුන් විසින් නිකුත් කරනු ලබන චක්‍රලේඛ, නියෝග,උපදෙස් සහ මඟපෙන්වීම් මුල්‍ය සේවා වල නිරත සියළුම සමුපකාර සමිති විසින් අනිවාර්යයෙන්ම අනුගමනය කිරීමට බැඳී සිටින බව මෙයින් අවධාරණය කරමු.

විශේෂයෙන්ම සමුපකාර සමිති මඟින් ඒකරාශී කරනු ලබන සියළුම තැන්පත් වෙනුවෙන් ගෙවනු ලබන පොළී ප්‍රතිශතයන් තීරණය කිරීම පිලිබඳව චක්‍ර‍ලේඛ හා උපදෙස් පත්‍රිකා මඟින් සියළුම සමුපකාර සමිති දැනුවත් කර ඇති බැවින් මුල්‍ය කටයුතුවල නියැලී සිටින සමුපකාර බැංකු හා මුල්‍ය ආයතන වල මුදල් තැන්පත් කිරීමට පෙර රටේ පවතින සාමාන්‍ය පොළී ප්‍රතිශතයන් වලට වඩා වැඩි පොළී ප්‍රතිශතයන් ලබා දෙන්නේ නම් ඒ පිළිබඳව තැන්පත්කරුවන් විමසිලිමත් විය යුතුය.

සමුපකාර ග්‍රාමීය බැංකු සහ වෙනත් මුල්‍ය සේවා සමුපකාර සමිති වල  මුදල් තැන්පත් කිරීමේ දී විශේෂයෙන්  ශ්‍රී ලංකා මහ බැංකුව විසින් බලපත්‍රලාභී බැංකු වලට හා අනුමත මුල්‍ය සමාගම් වලට  නියම කරනු ලබන පොළී ප්‍රතිශතයන් පිළිබඳව  තැන්පත්කරුවන් දැනුවත් වී ක්‍රියාකරන ලෙස වැඩිදුරටත් කාරුණිකව දැනුම් දෙමු.                          

ජාතික සමුපකාර බැංකු නියාමන කමිටුව

සමුපකාර සංවර්ධන දෙපාර්තමේන්තුව

නො.330,යුනියන් පෙදෙස,කොළඹ 02

 

දු.අ. - 0112330706

ෆැක්ස් - 0112330706

ඊ මේල් - This email address is being protected from spambots. You need JavaScript enabled to view it.

නැවුම් පුවත් හා සිදුවීම්

  • 1
  • 2
  • 3
තොරතුරු තාක්ෂණ ඒකකයේ තනතුරු පුරප්පාඩු සමුපකාර සංවර්ධන දෙපාර්තමේන්තුවේ තොරතුරු තාක්ෂණ ඒකකයේ පහත සදහන් තනතුරුවල... තවදුරටත්
සමුපකාර පළාත් අමාත්‍ය සමුළුව 2017.09.27 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී සමුපකාර පළාත් අමාත්‍ය සමුළුව 2017.09.27 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ... තවදුරටත්
“COOP Sri Lanka Road Map 2020” ජනපතිට පිළිගැන්වේ   ශ්‍රී ලංකා සමුපකාර ව්‍යාපාරය නව මාවතකට යොමු කිරීමේ අරමුණින් කර්මාන්ත හා වාණිජ කටයුතු... තවදුරටත්
සමුපකාරය පොදු ජනතාවගේ ජාතික ව්‍යාපාරයක්, ජනාධිපති මෛත්‍රීපාල සිරිසේන   මිත්‍රශීලීභාවය, එකමුතු බව, සමානාත්මතාව, සහමූහිකත්වය සමාජවාදි දේශපාලන සිද්ධාන්ත වලට බොහෝ... තවදුරටත්
සමුපකාර සමිති ගණුදෙනුකරුවන් වෙත කෙරෙන විශේෂ දැනුම්දීමයි සමුපකාර සමිති ගණුදෙනුකරුවන් වෙත කෙරෙන විශේෂ දැනුම්දීමයි   කර්මාන්ත සහ වාණිජ කටයුතු... තවදුරටත්

ආශ්‍රිත සබැඳි

 ජාතික

 අන්තර්ජාතික

 සමුපකාර සමිති