TamilSriLankaEnglish (UK)

සමුපකාර සමිති / සංගම් විගණනය

සමුපකාර සංවර්ධන දෙපාර්තමේන්තුව විසින් 1972 අංක 05 දරන සමුපකාර සමිති පනතේ 44 (2) (1) වගන්තිය අනුව සමුපකාර සමිතිවල  කර්යසාධනය හා මූල්‍ය ත්ත්වය පිළිබඳ ස්වාධීන සමාලෝචනයක් සපයන අතර එය සමිතියේ මහසභාවේ දී සාමාජිකයින් වෙත ඉදිරිපත් කරයි. සමුපකාර සංවර්ධන දෙපාර්තමේන්තුව විසින් විගණන කටයුතු හරහා පොදුවේ සමුපකාර ව්‍යාපාරයේ යහපැවැත්ම ස්ථාපිත කිරීමට මෙන් ම රජයේ අරමුණ හා ප්‍රතිපත්ති ක්‍රියාත්මක කිරීම වෙනුවෙන් ද කටයුතු කරයි. එබැවින් මෙම ස්වාධීන සමාලෝචනය ශ්‍රී ලංකා ගිණුම්කරණ ප්‍රමිතීන්ට, සමුපකාර සමිති පනත, රීති, අතුරු ව්‍යවස්ථා, කාරක නියෝග හා දෙපාර්තමේන්තු උපදෙස් ආදී සියලු ම නෛතික අවශ්‍යතාවන්ට උචිතබව, එකඟබව හා අනුකූලබව සහ මෙභෙයුම්වල ආර්ථිකභාවය, කාර්යක්ෂමභාවය සහ එලදායිත්වය සහතික කිරීම සඳහා ක්‍රියාත්මක කරනු ලැබේ.

1972 අංක 5 දරන සමුපකාර සමිති පනතේ 44 වගන්තිය හා 1973 සමුපකාර රීති 41 අනුව සමුපකාර සමිතිවල විගණන කටයුතු සිදුකරනු ලබයි.

44. (1) අවුරුද්දකට වරක්වත් සෑම ලියාපදිංචි සමුපකාර සමිතියක ම ගිණුම්
           රෙජිස්ට්‍රාර් විසින් විගණනය කිරීම.
                         හෝ,
           ඒ වෙනුවෙන් ඔහු විසින් ලියවිල්ලකින් බලය පවරනු ලබන,

    • සමුපකාර සංවර්ධන දෙපාර්තමේන්තුවේ ඕනෑම නිලධාරියකු, හෝ 
    • වරලත් ගණකාධිකාරීවරයකු, හෝ වරලත් ගණකාධීකාරීවරුන්ගේ සමාගමක් හෝ,
    • රෙජිස්ට්‍රාර්තුමා විසින් පවත්වාගෙන යන ගණන් පරීක්ෂකවරුන්ගේ ලේඛණයට නම ඇතුළත් වී ඇති කෙනෙක් හෝ මණ්ඩලයක්

මගින් විගණනය කරවීම කළ යුතු ය.

1972 අංක 5 දරන සමුපකාර සමිති පනතේ 44 (2)

 (1)   වැනි උප වගන්තිය යටතේ වූ විගණනයේ,

(අ)   කාලය ඉකුත් වූ ණය සම්බන්ධයෙන් පරීක්ෂණයක්

(ආ)  ලියාපදිංචි සමිතිවල වත්කම් සහ බැරකම් පිළිබඳ තක්සේරුවක් හා සත්‍යෙක්ෂණයක්

(ඇ)  නිසි මුදල් පාලනය සහ සමිතියේ කටයුතු සම්බන්ධයෙන් අඛණ්ඩ ඇගයීමක් කිරීමට හැකි කරනු පිණිස තොරතුරු ඉදිරිපත් කිරීම සහතික කිරීමට සංවිධාන ක්‍රම, කාර්ය පටිපාටි, පොත්, වාර්තා, සහ වෙනත් ලේඛණ නිසි ලෙස සහ ප්‍රමාණවත් ලෙස සැලසුම් කරනු ලැබ ඇත්තේ ද සහ ඒ ක්‍රම, කාර්ය පටිපාටි, පොත්, වාර්තා, සහ වෙනත් ලේඛණ ඵලදායක ලෙස ක්‍රියාත්මක වන්නේද පිළිබඳ පරීක්ෂණයක්

(ඈ)  සමිතිය පවත්වාගෙන යාම, මේ පනතේ හෝ යටතේ සදන ලද රීති, නියෝග, හෝ අතුරු ව්‍යවස්ථාවල විධිවිධානවලට අනුකූල වන්නේද, සමිතියේ කටයුතු පරිපාලනය කිරීම ඒ පනතේ, රීතිවල, නියෝගවල හෝ අතුරු ව්‍යවස්ථාවල විධිවිධානවලට අනුකූල ව කර ඇත්තේද යන්න  පිළිබඳ පරීක්ෂණයක්

(ඉ)  අරමුදල් උපයෝගී කිරීම කාර්යක්ෂම ලෙස සහ පිරිමැසුම් සහිත ව ක්‍රියාත්මක කොට ඇත්තේද යන්න  පිළිබඳ පරීක්ෂණයක්

(ඊ)  ලියාපදිංචි සමිතියට අයත් සහ එහි පාලනය යටතේ ඇති මුදල් සහ දේපළවල ආරක්ෂාව සහතික කරනු පිණිස සතුටුදායක කාර්ය පටිපාටි සකස් කොට ඇත්තේද යන්න  පිළිබඳ පරීක්ෂණයක්

(උ)  ගිණුම්, මුදල් යෙදවීම සහ  තක්සේරු කිරීම සම්බන්ධයෙන් වූ සිද්ධාන්ත කෙරෙහි නිසි අවධානය ඇති ව සැලකිල්ලට භාජනය කොට ඇති කාල සීමාව සම්බන්ධයෙන් සමිතියේ කටයුතු පිළිබඳ ව නිවැරදි ගිණුමක් ඉදිරිපත් කිරීම සම්බන්ධ විගණනය කරනු ලැබූ ගිණුම් සැලසුම් කොට ඇත්තේද යන්න  පිළිබඳ පරීක්ෂණයක්, සහ

(ඌ) වෙනත් නියමිත කරුණු ඇතුළත් විය යුතු ය.

(3)  (1) වැනි උප වගන්තිය යටතේ,

විගණනයක කාර්යයන් සඳහා රෙජිස්ට්‍රාර්ට හෝ ඒ ගණන් විගණනය කිරීම පිණිස බලය පවරනු ලැබූ යම් තැනැත්තෙකුට,

(අ) රෙජිස්ට්‍රාර්ගේ හෝ විගණනය සඳහා ඔහු විසින් බලය පවරනු ලැබූ තැනැත්තාගේ මතය අනුව සමිතියේ යම් ගණුදෙනු හෝ එහි කටයුතු පිළිබඳ කළමනාකාරීත්වය සම්බන්ධයෙන් වැදගත් තොරතුරු සැපයිය හැකි, කලින් සිටි හෝ දැනට සිටින, සමිතියේ යම් නිලධාරියකු, නියෝජිතයකු, සේවකයකු, සාමාජිකයකු හෝ වෙනයම් තැනැත්තෙකු කැඳවීමේ,

(ආ) සමිතියේ කටයුතුවලට අදාළ යම් පොතක්, ලේඛණයක්, හෝ සමිතියට අයත් යම් මුදලක්, සුරැකුම්පතක්, හෝ වෙනත් දේපළ ඉදිරිපත් කරන ලෙස එය සන්තක ව හෝ භාර ව සිටින, කලින් සිටි හෝ දැනට සිටින සමිතියේ නිලධාරියකුට, නියෝජිතයකුට, සේවකයකුට, හෝ සාමාජිකයකුට, හෝ වෙන යම් තැනැත්තෙකුට නියම කිරීමේ, හා

(ඇ)       ඒ විගණනයේ දී තමා විසින් වංචාවක් සොයාගනු ලබන අවස්ථාවක සමිතියේ ගණන් පොත් හෝ ලේඛණ තම භාරයට ගැනීමේ බලය තිබිය යුතු ය.

(4) වන උප වගන්තියට අනුව,

රෙජිස්ට්‍රාර්වරයාට හෝ රෙජිස්ට්‍රාර්වරයා විසින් තත්කාර්යය සඳහා සාමාන්‍ය හෝ විශේෂ නියමයක් මගින් ලියවිල්ලකින් බලය දෙනු ලැබූ යම් තැනැත්තෙකුට, ලියාපදිංචි කළ සමිතියක් විසින් පවත්වාගෙන යනු ලබන සියලු පොත්, ලේඛණ, ගිණුම් හා ලියවිලි, සුරැකුම්පත් හා අතේ ඇති මුදල්, සියලු අවස්ථාවල දී ලබාගැනීමට ද, පරීක්ෂා කිරීමට ද හිමිකම් තිබිය යුතු ය. තව ද ඉහත කී දේ භාර ව සිටින හෝ පවත්වාගෙන යන හෝ සන්තකයෙහි ඇති ව සිටින සෑම තැනැත්තෙකු ම ඒවා රෙජිස්ට්‍රාර්වරයා හෝ ඒ පරීක්ෂණය හෝ විගණනය කරන ඒ බලය දෙන ලද තැනැත්තා විසින් නියම කරනු ලබන තොරතුරු සැපයිය යුතු ය.

(5) වන උප වගන්තියට අනුව,

රෙජිස්ට්‍රාර් හා ලියාපදිංචි කළ සමිතියක ගණන් විගණනය කිරීම සඳහා ඔහු විසින් බලය පවරනු ලබන සෑම තැනැත්තෙකු ම දණ්ඩනීති සංග්‍රහයෙහි අර්ථානුකූල ව රාජ්‍ය සේවකයින් ලෙස සලකනු ලැබිය යුතු ය.

(6) වන උප වගන්තියට අනුව,

(අ) සමිතියක සංවිධානය හෝ කළමනාකාරීත්වය භාරව සිටින හෝ භාරව සිටි හෝ සමිතියක නිලධරයෙකුව හෝ සේවකයෙකුව සිටින හෝ කවර හෝ අවස්ථාවක සිටි යම් තැනැත්තෙකු විසින් මේ පනතේ හෝ මේ පනත යටතේ හෝ වෙනත් යම් නීතියක් යටතේ හෝ පනවනු ලැබු රීතිවල හෝ රෙජිස්ට්‍රාර්වරයා විසින් අනුමත කරන ලද සමුපකාර සමිතිවලට හෝ මුදල් කාර්ය පටිපාටියට අදාළ රීතිවල නැතහොත් නියෝගවල හෝ රෙජිස්ට්‍රාර්වරයා විසින් හෝ සමුපකාර සේවක කොමිෂන් සභාව විසින් නිකුත් කරන ලද පොදු විධාන කිසිවක් හෝ සමිතියේ අතුරු ව්‍යවස්ථාවල හෝ සමිතියේ කාරක රිතිවල විධිවිධානයනට පටහැනි යම් ගෙවීමක් කර ඇති බව (1) වන උපවගන්තිය යටතේ වු විගණනයක් පැවැත්වෙද් දී හෝ එය අවසානයේ දී සොයා ගතහොත් රෙජිස්ට්‍රාර් විසින් එවැනි සැම ගෙවීමකට ම හා එවැනි සෑම අරමුදල්  පාවිච්චි කිරිමකට ම ඉඩ නොදිය යුතුයි. තවද ඒ තැනැත්තාගේ නොසැලකිල්ල හෝ විෂමාචාරය හේතු කොට ගෙන දරන්නට සිදු වු යම් ඌනතාවයක් හෝ පාඩුවක් සහ ඒ තැනැත්තාගෙන් අය කරගත යුතු ය. තව ද ඒ එක් එක් අවස්ථාවේදී ඒ තැනැත්තාගෙන් අයවිය යුතු මුදල සහතික කොට තම තිරණය ලියවිල්ලකින් ඒ තැනැත්තා වෙත දන්වා යැවිය යුතු ය.

(ආ) යම් තැනැත්තෙකුට යම් ඉඩදීමක් නොකිරීමට හෝ යම් අධි භාරයක් කිරීමට පෙර රෙජිස්ට්‍රාර් විසින් හෝ රෙජිස්ට්‍රාර් විසින් ඒ වෙනුවෙන් ලියවිල්ලකින් වු සමාන්‍ය හෝ විශේෂ නියෝගයකින් බලය පවරනු ලැබු යම් තැනැත්තකු විසින් සුදුසු යයි සිතිය හැකි යම් කරුණු සම්බන්ධයෙන් කරුණු කියා සිටීමට හෝ යම් කරුණු ඉදිරිපත් කිරීමට ඒ තැනැත්තාට ඔහු විසින් අවස්ථාවක් දිය යුතු අතර, එවැනි ඉඩ නොදීමක් හෝ අධිභාර කිරීමක් කරනු ලැබුව හොත් රෙජිස්ට්‍රාර්ගේ හෝ ඔහු විසින් බලය පවරනු ලැබු තැනැත්තාගේ තීරණය සඳහා හේතු ඉල්ලා ඔහු වෙත ඉල්ලීමක් ඉදිරිපත් කිරිමෙන් පසු ඒ ඉඩ නොදීම හෝ අධිභාර කිරීම සම්බන්ධයෙන් තම තීරණයේ හේතු ලියවිල්ලකින් ඒ තැනැත්තා වෙත සැපයිය යුතු ය.

(ඇ) රෙජිස්ට්‍රාර්වරයා විසින් කරන ලද තීරණයට අනුකූලව ක්‍රියා නොකරන ලද අවස්ථාවක 62 (2) වන වගන්තියේ විධිවිධාන අවශ්‍ය වෙනස් කිරීම් සහිතව අදාළ විය යුතු ය.

1972 අංක 72  (අ) උප වගන්තිය ප්‍රකාරව

මේ පනත යටතේ ස්වකීය කාර්යයන් ඉටු කිරීමේ දී හෝ කාර්තව්‍ය කිරීමේ දී සද්භාවයෙන් කරන ලද හෝ කර්තව්‍ය කිරීමේ දී සද්භාවයෙන් කරන ලද හෝ කරන යම් ක්‍රියාවක් සම්බන්ධයෙන් රෙජිස්ට්‍රාර්වරයාට, නියෝජ්‍ය කොමසාරිස්වරයාට, ජ්‍යෙෂ්ඨ සහකාර කොමසාරිස්වරයන්ට, සහකාර කොමසාරිස්වරයන්ට හෝ මේ පනතේ 44 වන, 46 වන, 49 වන, 66 වන සහ 67 වන වගන්තිය යටතේ රෙජිස්ට්‍රාර්වරයා විසින් යථා පරිදි බලය දෙන ලද හෝ පත් කරන ලද වෙනත් තැනැත්තන්ට විරුද්ධ ව කිසිම සිවිල් හෝ අපරාධ නඩුවක් පවරනු නොලැබිය යුතු ය.

 

වැඩි විස්තර සඳහා:-
පී.ඒ. සරත් ආනන්ද මයා
සහකාර  කොමසාරිස් (විගණන/බැංකු/අෑවර)
දු.ක : +94 11 2436862
ෆැක්ස්:
+94 11 2330706

 

නැවුම් පුවත් හා සිදුවීම්

  • 1
  • 2
  • 3
තොරතුරු තාක්ෂණ ඒකකයේ තනතුරු පුරප්පාඩු සමුපකාර සංවර්ධන දෙපාර්තමේන්තුවේ තොරතුරු තාක්ෂණ ඒකකයේ පහත සදහන් තනතුරුවල... තවදුරටත්
සමුපකාර පළාත් අමාත්‍ය සමුළුව 2017.09.27 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ දී සමුපකාර පළාත් අමාත්‍ය සමුළුව 2017.09.27 දින බණ්ඩාරනායක අනුස්මරණ ජාත්‍යන්තර සම්මන්ත්‍රණ... තවදුරටත්
නවක සමුපකාර සංවර්ධන නිලධාරීන් ලෙස පත්වීම් ලබා ගන්නා නිලධාරීන්ගේ නාම ලේඛණය 2017.11.07 දින පැවැත්වෙන සමුපකාර සංවර්ධන දෙපාර්තමේන්තුවේ සමුපකාර සංවර්ධන නිලධාරි III... තවදුරටත්
“COOP Sri Lanka Road Map 2020” ජනපතිට පිළිගැන්වේ   ශ්‍රී ලංකා සමුපකාර ව්‍යාපාරය නව මාවතකට යොමු කිරීමේ අරමුණින් කර්මාන්ත හා වාණිජ කටයුතු... තවදුරටත්
සමුපකාරය පොදු ජනතාවගේ ජාතික ව්‍යාපාරයක්, ජනාධිපති මෛත්‍රීපාල සිරිසේන   මිත්‍රශීලීභාවය, එකමුතු බව, සමානාත්මතාව, සහමූහිකත්වය සමාජවාදි දේශපාලන සිද්ධාන්ත වලට බොහෝ... තවදුරටත්
සමුපකාර සමිති ගණුදෙනුකරුවන් වෙත කෙරෙන විශේෂ දැනුම්දීමයි සමුපකාර සමිති ගණුදෙනුකරුවන් වෙත කෙරෙන විශේෂ දැනුම්දීමයි   කර්මාන්ත සහ වාණිජ කටයුතු... තවදුරටත්

ආශ්‍රිත සබැඳි

 ජාතික

 අන්තර්ජාතික

 සමුපකාර සමිති